Waat ein jaor en det veur mich persuuënlik. Veur mich waas 't ein jaor wao-in ik vuuël, maar dan ouk hièl vuuël, gelierd heb.
't Jaor begôs eigelik netzoeë wie 2011 geëindig waar veur mich. Mien tièdsbesteejing waas in vergelieking tot 2011, in 2012 weinig veranderd. Ik ging 5 daag in de waek nao schoel, waas in mienen vreejentièd bezig met 183x11. Ik ging twieë kièr in de waek nao de voetbaltraining, ging iddere vrièdaag nao Hapas um te werke. Ik ging op zaoterdaag ein partie voetballe en ging zoeë um de anderste waek nao de VVV. Deurende 't jaor zien d'r toch wal waat kleine veranderinge aan det petroeën aangebrach maar neet zoeëvuuël um erg van te schrikke. Zoeë ging ik van twieë, eine kièr traine en kreeg ik door 't jaor door minder tièd um aan 183x11 te werke umdet mien schoèlwerk mier woort. Det mosse dan maar op de kaup toeneme. Soms helaas, maar 't is noow einmaol zoeë.
Wao ik dit jaor van genaote heb zien ein aantal dinger. Op de ierste plaats heb ik genaote van ein aantal vreejentièdszake. Dink aan de verschillende festivals in ós stad: 't Zomerparkfees, maar veural Stereo Sunday. Ik heb mien auge oètgekeke van gruuëtszichheid. Allein maar vanwaege 't feit det Stereo Sunday weer haet laote zeen wao 't festival veur steit en wao 't 't veur duit. Minse op ein nieje menier samebringe en met die minse ein groeët feesje bouwe. En dan wil ik ouk nog ef wat kwièt euver de verschillende 100%55 aovende in Perron55. Dink heejbeej aan Flashback, Strijkijzer, Titty Twister, BangBang Club en Poplock. Dees aovende bringe ein niej dimensie aan 't oètgaon in Venlo. Merci en bedank daoveur en gangk veural zoeë door. Ouk heb ik genaote van de 'nieje' Venlonaer. De nieje Venlonaer is namelik weer ein bietje mier gaon geneete van 't laeve. Ik vind det toch wal fijn um te zeen as ik door de stad heer laup. En dan wil ik nog waat kwièt euver 't oètgaonslaeve in 't centrum van de stad. Ik vind det stichting uitgaanvenlo.nl ein prima initiatief is um ós stad nog laevendigger te make. Hière blief doorgaon wao ge mei bezig ziet, dan geit 't zeker lökke.
Wao ik dit jaor van heb gelierd zien ein paar dinger. Ik gao die neet allemaol beneume, maar ik wil waal kwièt waat ik gelierd heb. Ik heb nog mier gelierd um van 't laeve te geneete. Ik heb gelierd um, in waat veur situasie dan ouk, michzelf te blieve. Ik heb gelierd um um te gaon met situasies die mich persuuënlik aangriepe. Ik heb nog mier gelierd um andere te acceptere. Ik heb gelierd um in te zeen det andere mich mier kinne liere, zonder det zeej 't doorhebbe. Idderein dae wet det hae of zeej, mich wiezer haet gemak wil ik daoveur bedanke.
Wao ik persuuënlik gruuëts op bin, zien veer dinger. Ein: 't neerzette van de Valuasmusical ANNIE. Twieë: 't kinne acceptere van gebeurtenisse, oukal zien ze zoeë vervaelend desse ze eigelik neet wils acceptere. Dreej: 't liere en netwerke door 183x11. Veer: 't acceptere van complimente. Zelfs as ze op ein flauwe manier waere gemak. Ik dink det ik door det letste enorm bin gegreujd as persoeën en bin gegreujd as michzelf.
Wao ik van wil geneete in 2013 zien de dinger waovan ik in 2012 heb genaote, alle positieve dinger die aan 't ind van 2012 op mien paad kwame, maar wao ik nog neet hielemaol van heb kinne geneete. En ik wil geneete van 't kommende jaor en alle positieve dinger die 't mich te beeje haet.
Dit waas veur mich 't jaor 2012 en dit wuuërd veur mich 't jaor 2013!
Gojjen rutsch, en vuuël gelök en gezondheid gewins veur 't nieje jaor.
Blief druime en dörve!
Stan
P.S. ik wil idderein dae dich beej mich steit bedanke! Allein maar leefde veur ôg.
P.P.S. ik wil vaerder nog ef kwiet det ik tot en mit 15 september 2012 heb genaote van iddere kièr det ik (zoemaar) heb gezeen. Hojje en bedank!
